ये तो साले हद होगे यार।
गुदुम बजात , गद होगे यार ।
ये तो साले हद होगे यार।
ये तो साले हद होगे यार।
बनाये बात बिगड़ जाथे।
नवा सड़क कस उखड़ जाथे।
नवा सड़क कस उखड़ जाथे।
लइका सिखाये म सिखय नही।
मुड़ पटक फेर लिखय नही।
मुड़ पटक फेर लिखय नही।
रोग गुरुजी गारी खाथे।
एरे-गेरे मन आँखी दिखाथे।
एरे-गेरे मन आँखी दिखाथे।
उदिम जम्मो फोकट होगे यार।
ये तो साले हद होगे यार।
ये तो साले हद होगे यार।
नेता मन ककरो सुनय नहीं।
ये बात ल जनता गुनय नहीं।
ये बात ल जनता गुनय नहीं।
कुर्सी पा गे लबारी म।
देश बुड़ गे उधारी म।
देश बुड़ गे उधारी म।
बैपारी मोटात हे।
किसनहा दुबरात हे।
किसनहा दुबरात हे।
ससताहा चाँउर बिपत हो गे यार।
ये तो साले हद होगे यार।
ये तो साले हद होगे यार।
अस्पताल प्राइवेट , भट्टी सरकारी।
स्कूल म ताला, मास्टर बर तुतारी।
स्कूल म ताला, मास्टर बर तुतारी।
फोकट म राशन।
रोज नवा आस्वासन।
रोज नवा आस्वासन।
अखबार हरे के विज्ञापन।
पइसा पा के छापन।
पइसा पा के छापन।
साँस लेवाई झंझट हो गे यार।
ये तो साले हद होंगे यार।
ये तो साले हद होंगे यार।
अधिकारी जे बुता कमीशनखोरी ।
दुकानदार बर कर(tex) के चोरी।
दुकानदार बर कर(tex) के चोरी।
जनता बर लाने नवा योजना।
मिल बाँट खीसा म बोजना।
मिल बाँट खीसा म बोजना।
दुर्गति का ये, बेरोजगार ले पूछ।
योग्यता रहन दे , पहिली घुस।
योग्यता रहन दे , पहिली घुस।
बीमारी ये कइसे निचट हो गे यार।
ये तो साले हद होगे यार।
ये तो साले हद होगे यार।
