मोर छत्तीसगढ़ के भुइयां

मोर धरती मोर मईयां, मोर छत्तीसगढ़ के भुइयां।
तोर बेटा आन दाई वो, परत हन तोर पईयां ।

तोर कोरा मा हमन दाई, आये हवन वो ।
बड भागी आन माया  पाए हवन वो ।

हमर जिनगी नइया के तँय हर खेवइया  ।
तोर बेटा आन दाई वो, परत हन तोर पईयां ।

महानदी के इन्हां बोहत हे अमृत कस पानी ।
कलकल करय इंदिरावती गाये  गुरुतुर बनी ।

अरपा-पैरी, शिवनाथ, हसदो तोर गोड़ धोवइया
तोर बेटा आन दाई वो ,  परत हन  तोर पईयां ।

जुल मिल के जम्मो झंन  तोर कोरा मा रहिथन ।
तहीं हां सब के महतारी , तोरे गुण ला गाथन ।

तोर रक्षा खातिर दाई हम अपन जान देवइया 
तोर बेटा आन दाई वो, परत हन  तोर पईयां ।