छत्तीसगढ़िया सबले बढ़िया , दुनियां ला ये बताना हे !
आधा पेट खा के रे संगी जांगर टोर कमाना हे !
सोना-चाँदी, हिरा-मोती इंहां के धुर्रा माटी हे !
तभो ले शोषित दलित गरीबहा छत्तीसगढ़ के वासी हे !
रतिहा पहागे अब तो संगी .. नवा बिहनिया लाना हे !
आधा पेट .....................
खेत हमर कागद हे अऊ, कलम हमर बर नांगर हे
हरियर-हरियर धान हमर करम के उज्जर आखर हे !
कौनो रहय अब अनपढ़ झन , पढ़ना अऊ पढ़ाना हे !
आधा पेट ..........................
जगे जगे रहिना हे संगी करना हे देश के रखवारी
रखवार बन के करते वो मन घर घर माँ चोरी !
बेंच दिही लालच में आ के इंकार का ठिकाना हे
घर माँ लुकाये चोर मन ले मोर छत्तीसगढ़ ला बचाना हे!
आधा पेट ..........................
कोई टिप्पणी नहीं:
एक टिप्पणी भेजें