भ्रष्टाचार के भुत !

बढत हे नवा-नवा कर अऊ महगाई

करमचारी मन के होवत हे छटाई

अरे भाई !

ये का अतियाचार हे

ये बाबा ते नि जानस,

हमर देश के अर्थव्यवस्था बीमार हे .

कईसे ?

कब ले परे हे ?

मूड पीरा  हे

कि जर धरे हे ?

घेरी-बेरी जर चघत हे ;

सरी जांगर कपकपावत हे ;

कनिहा पीरा हे;

अऊ

 नाक घलो चुचावावत हे ।

तभो ले डाक्टर मन

रोग नि बतावत हे .

सरकारी डाक्टर मन

एक-एक थान नाड़ी ला ब हे .

जनता के लहू निचो-निचो के

राजनिति के मईक्रोसकोप मा जाँचत हे .

अरे !

इही तो सरकारी अस्पताल के फेर हे ,

इंहा देर नहीं ,

अंधेर हे !

जा ओला बने देख

बेसुध हे कि जगत हे ?

तै , न जनस बाबु ! वोला

भ्रष्टाचार के भुत धरे हे

तेन न भगत हे !

गजल : नैन सपना नवा बसावन दे।

नैन सपना नवाँ बसावन दे।
टूटे मन ला बने सजावन दे।

घर जलय जल के राख हो जावय
गीत मोला मया के गावन दे।

तोर सुरता बहाना रोये के,
प्यास भड़के हे आज सावन दे।

होस मोला गिरे के बाद आथे,
पी के अब फेर लड़खडावन दे।

जेन आथे इहाँ ले चल देथे,
झर जहूँ रे महक के जावन दे।

याद करबे नवाँ नवाँ घर मा,
हाथ मा मेंहदी लगावन दे।


आज तो पेट भर के खावन दे।