झन सरमा तँय यार गदहा रे।
तोरे सहीं संसार गदहा रे ।
नारियाये बर सबे नारियाथे
तही ह खाथस मार गदहा रे।
लड़ चुनाव मंत्री बन जाबे,
मिहनत हे बेकार गदहा रे।
पढहे लिखे मन करय मजूरी ,
सिस्टम हे बेकार गदहा रे।
का सासन अउ का परसासन ,
माते भ्रस्टाचार गदहा रे।
बड़े बड़े ल कोन सुधारय ,
संसद हे लाचार गदहा रे।
लगाये मुखउटा बाटय गियान,
तोरे रिस्तेदार गदहा रे ।
कतको चेला आघू पाछु,
रोज खड़े हे दुवार गदहा रे।
नियत म तोर वफादारी हे,
तभे खड़े लाचार गदहा रे।
तहुँ हा ऊँचा पदबी पाबे,
बन थोड़ा मक्कार गदहा रे।
कहे प्रसाद पुकार गदहा रे,
झन करबे कभू प्यार गदहा रे।
हो जाही कहूँ तोरो शादी
जिनगी तब बेकार गदहा रे।
कोई टिप्पणी नहीं:
एक टिप्पणी भेजें